//Oleum de vitellis ovorum. valet proprie contra combustionem ignis

vel aque & hoc modo debet fieri. Sumantur oua & coquan-

tur dura. tunc sumantur vitella pura & ponantur in patella

super ignem & ibi comburantur & declina patellam & exibit oleum.

// Oyle de Bay. Tak bayes and brek hem smal in a mor-

ter and medle hem with clene oyle de olyue and set

it ouer þe fier & let hem sethe til þe scomme wax al grene

and whanne it is kold streyne it thorgh a clene cloth

// Tak an handful of Beteyne

of verueyne. of pympernelle ana. Boyle alle þese in a potel

of whyt wyn til it be wastid in to a quartroun. þanne tak

.i. libram of newe wex & put in to þat licour aforseyd & stere

hem wel to gedre and streyne it thorgh a lynen cloth

þanne boyle þat mater. thanne tak half a quartroun of

mastyk as moch of frankensens and make þese in

to smal powdir and put it in to þe wex & sethe hem

togedre til þe weyn be wastid a wey in þe panne

thanne put half a pond of terbentyne to þe same &

stere al wey with a sclyce & þanne let it kele and

mak it in gobettis for it helith rygth wel. and gif

þe sor be hoot alay it with blancplum.

An oynement for all soris

//Tak boris grece and leuis of

laureole & brusse hem and frye hem to gedre and

streyne it thorgh a lynen cloth and þis oyle is good

for alle maner soris of brussure

A water for þe same

//ffor to make a good water for alle maner soris on a mannes

legge from þe kne dounward. Tak a galone of tan-

woos & do it ouer þe fier and let boyle in to þe thrid